فتاة متدينة ...

بحب أحكيلكم قصة صارت معي لما دعيت وحدة للإسلام , وهي مو عربية , وتشوفو شو ماخد الغرب فكرة عن الإسلام وعن وجود الإله :

أول اشي بدأنا المحادثة عالمسينجر , وحبيت أحكي معها عن الديانات ... يعني أكسب أجر كبير إذا خليتها تسلم , وياريتني ما حاولت ...... , وبدون ذكر أسماء رح أكتب المحادثة الي صارت بالعربي ...

...........
أنا : بدي أسألك سؤال صغير وبتمنى تجاوبيني عليه .
الفتاة : اسأل .
أنا : شو هو دينكم ؟؟
الفتاة : المسيحي .
أنا : طيب على شو بنص ؟
الفتاة : ديننا بينص على انو عيسى نزل على الأرض وخلانا نسوي الي بدنا ياه ...
أنا : طيب مين عيسى ؟ ومن وين نزل ؟
الفتاة : بصراحة ما بعرف
أنا : طيب انتي بتصدقي هيك كلام ؟
الفتاة : ما بعرف ...
أنا : طيب مين الي بتعبدوه ؟
الفتاة : كل واحد بيعبد الي بدو ياه , بس المهم انو يختار الإله الصحيح
أنا : طيب مين هالإله ؟؟؟
الفتاة : حسب في أكتر من واحد ..
أنا : ما في غير إله واحد بالدنيا وهو الله
الفتاة : انتا شو ديانتك ؟
أنا : الإسلام
الفتاة : سمعت بهالديانة قبل هيك , بس يعني بفهم من كلامك انو انتا بتعبد إله الخير , بس كيف عرفت اسمو ؟
أنا : الكل بيعرف اسمو ..
الفتاة : بس احنا حاولنا نعرف اسمو وما قدرنا , كيف انتو عرفتوه ؟
أنا : من كتابنا
الفتاة : عندكم كتاب مقدس ؟؟
أنا : طبعا , اسمو القرآن , وبتمنى تقرأيه في يوم من الأيام
الفتاة : إذا صحلي أقرأو ليش لأ , بس أنا بدي أقرأ كتاب قرون سيتن
أنا : شو هالكتاب ؟
الفتاة : كتاب مقدس زي تاعكم , بس المشكلة انو ممنوع من النشر
.......
حبيت أعطيكم معلومة انو سيتن هو إبليس بس الغرب بيحكولو سيتن , ويكتب اسمه باللغة الإنجليزية على هاض النحو (satan)
.......
أنا : طيب مو لازم يكون في كتاب واحد بالدنيا ؟
الفتاة : كل إله وله كتاب .....
أنا : ليش كم إله في ؟
الفتاة : الأول ملقب بإله الخير , يمكن زي ما انتا حكيت انو اسمو الله , والتاني هو الإله الشرير واسمو سيتن (إبليس) , والتالت ...... , والرابع ........
(بصراحة نسيتهم)
أنا : طيب في غيرهم ؟
الفتاة : الرباعي الآلهة يتكون من أربعة آلهة شر أو أربعة شياطين موجودين في أربع بقع في الأرض , شمال جنوب شرق غرب ... ومن بينهم سيتن , والإله الي بالسماء هو إله الخير (الله)
أنا :
الفتاة : طيب اجا دورك , ليه ما تحكيلي عن دينكم
أنا : طبعا رح أحكيلك , بس المهم انك تصدقيني
الفتاة : لا تخاف رح أصدقك , أنا بعرف انك ما بتكذب علي
أنا : منيح , أولا بدي أحكيلك عن بداية العالم , المكان الي احنا عايشين فيه هو جزء صغير من هالعالم , ولكل شيء أصل في الدنيا مهما كان , ولكل شيء نهاية ....
الفتاة : طيب شو أصل الدنيا ؟
أنا : أصل الدنيا هو الله
الفتاة : كيف ؟
أنا : الي خلق الدنيا هو الله , خلقها في أيام معدودة .....
الفتاة : طيب كيف خلقنا ؟
أنا : أول اشي خلقو هو مخلوقات تسمى الجن , سكنو على الأرض قبلنا , وما كانو يسمعو أوامر الإله , فنفاهم الله وخلق أول بشري وهو آدم ......
الفتاة : أظن اني سمعت بهالقصة من قبل
أنا : خلقو من تراب وطين , وحكى للملائكة تسجد له , إلا ملاك واحد ما رضي على نفسو بأنه يسجد لإنسان لانو انخلق من نار , وهاض الملاك هو سيتن (إبليس) , ............. وبعدين دخل آدم إلى الجنة , وخلق الله له زوجة اسمها حواء , بس حذرهم انو ما ياكلو من شجرة موجودة هناك اسمها شجرة الزقوم .....
الفتاة : هاي القصة بتشبه قصة آدم وإيفا لما أكلو من شجرة التفاح وكان في أفعى اسمها سيتن وحكتلهم ياكلو منها ...
أنا : وبعدين شو صار ؟
الفتاة : قضم قضمة من التفاحة , وعقابا من الإله , جعل التفاحة تعلق في حلقو ..... ولهذا سميت تفاحة آدم الموجودة في جسم الإنسان بهذا الإسم
أنا : كلامك صح , بس سيتن مو أفعى , وحواء مو إيفا , والتفاحة ما علقت بحلق آدم
الفتاة : احتمال
أنا : بعد ما أكل من الشجرة غضب الله ونزل حواء وآدم على الأرض ...
الفتاة : oh
أنا : تزوج آدم وحواء وأنجبو أطفال ....
الفتاة : ياي
أنا : وبعد هيك بدأ الجنس البشري بالتكاثر .... وهاي كانت بداية البشر
الفتاة : واو ... انتا بتعرف كتير أشياء
أنا : هاي الأشياء لازم الكل يعرفها
الفتاة : شو صار بعد هيك ؟
أنا : بعد هيك أنزل الله رسله واحد بعد واحد , وكل واحد فيهم أنزلو بزمن معين
الفتاة : رسل شو ؟
أنا : رسل ليدعو الناسإلى الدين الصحيح
الفتاة : ومين هالرسل ؟
أنا : عيسى هو رسول من الرسل هدول
الفتاة : عنجد ؟
أنا : اه , كل رسول كان يأتي بديانة جديدة تشمل وتحل مكان الديانة السابقة , وفي النهاية نزل آخر الرسل وهو محمد
الفتاة : ياي هاض اسمك
أنا : بس هاض مو أنا
الفتاة : ومين بيكون ؟
أنا : هاض رسول زي عيسى
الفتاة : هههههههه
أنا : شو رأيك ؟
الفتاة : عنجد إنك مثقف
أنا : هاي مو ثقافة
الفتاة : شو ما كانت المهم انها حلوة
أنا : طيب لو عرضت عليكي الإسلام ممكن تسلمي ؟
الفتاة : ما بعرف اشي عن دينكم , كيف بدي أدخل بدينكم بهالسهولة
........
ولما جبت سيرة الحجاب قدامها ....... خف عقلها , يعني لو كنت قدامها كان ضربتني
........
الفتاة : انتا شو بدك مني بالزبط ؟؟؟؟؟ بدك ياني أكون مسلمة ؟؟؟؟؟ مستحييييل , طيب شو بدي ألبس بالصيف ؟ , مستحيل أسوي هيك
أنا : طيب ما تعصبي خلينا نتفاهم
الفتاة : انتا ما بدك تتفاهم , شو مفكرني مجنونة ؟
أنا : طيب خليني أكمل
الفتاة : تفضل كمل
........
حسيت انها كرهت فكرة الحجاب , فحبيت على الأقل انها تصلي وهي محجبة
........
أنا : طيب خلص ما تتحجبي , بس صلي
الفتاة : أنا آسفة بس كلامك خلاني أعصب شوي , بس كيف بتصلو ؟
أنا : بنصلي خمس صلوات باليوم
الفتاة : oh my god
شو بتحكو ؟
.........
زي ما بتعرفو انو المسيحيين مفهوم الصلاة عندهم انهم يدعو الله
........
أنا : بنحكي أشياء من القرآن , وبنسوي حركات بالصلاة
الفتاة : انتو كيف بتصلو

أنا : بنسجد وبنركع وبنسوي أشياء زي هيك
الفتاة : لمين بتركعو ؟
أنا : لله
الفتاة : oh , في اشي تاني ؟
أنا : اه
الفتاة : شو ؟
أنا : لازم تصومي عن الأكل والشرب بشهر رمضان
الفتاة : شهر كامل بدون أكل ؟
أنا : لأ مو كل الشهر , بتقدري تاكلي بعد غروب الشمس
الفتاة : إذا هيك رح أموت
أنا : لا ما بتموتي
الفتاة : انتا بتسوي هيك ؟
أنا : طبعا
الفتاة : رح أعيط كمان شوي
أنا : لا عادي , تعودنا على هيك
الفتاة : في اشي تاني ؟
أنا : اه , لازم تعطي جزء من المصاري الي معك للفقراء لانهم بيحتاجوها
الفتاة : بس من وين بدي أجيب واحد فقير ؟
أنا : ما بتشوفي فقراء بالشارع ؟
الفتاة : فقراء بالشارع ؟ .... شو بتحكي انتا ؟
أنا : خلص ولا اشي
الفتاة : ok
أنا : طيب شو رأيك ؟ ....
الفتاة : رأيي بشو ؟
أنا : تسلمي
.........................
ومن ثم أكلنا بهدلة عالريق , وباءت كل محاولاتي بالفشل

وسكرت بوجهي

وكل هاض لاني دعيتها للإسلام , ليش احنا هيك مش عارف

ما باتت محاولاتك بالفشل لانو بعد كل هاد الكلام يلي انت حكيته هلا رح بتكون بتفكر فيه
يعني دايرة في مخها فكرة الاسلام

احتمال

والله عجبني أسلوبك بالحديث معها
يعنيخلص بريت ذمتك منها المهم انها عرفتهاي الأشياء والباقي عليها
إن الله لا يهدي القوم الفاسقين
يعني أزا مكتوبلها الهدايه راح ابتنهدي لا توكل هم اطمن عليها لأنو زي ماخكترغد هلا الأفكار عم بتوز براسها وز
والله يعطيك العافيه على كتابة الموضوع أكيد إديك إنشلو

لا الموضوع مو لهدرجة طويل
اكييييد نشيط وهو عم يكتب فيه

ما تعبت كتير بالكتابة بس تخيلت حالي بحكي معها من أول وجديد وهي مو رادة علي

على كل حال أصلا أنا الي استفدت مو هي , لانو حكتلي عن دينهم ومعتقداتهم , يعني أخدت فكرة عنهم , أنا عندي صاحب لا يؤمن بأي اشي , لدرجة انو إذا بتسأليه شو أصل الدنيا رح يقلك أصل الدنيا هو الذرة , وإذا سألتيه مين خلق الذرة بيحكي هي اجت لحالها , ولما تحكيلو الله خلقها بيحكيلك طيب من وين أصل الله , بحكيلو الله ما الو أصل , الله هو أصل كل اشي , وآخر اشي ما بيرضى يصدق .......

واكيد هي كمان استفادت


شو المجنون هاد ..............؟؟

لا والله هيه أهون منو
هوه بيجيك من ناحية الفلسفه
وصعب انك اترد عليه إلا طبعاً أزا إبتعرف تيجي من ناحية الفلسفه!!!

ههههههههه...... أنا جديد اكتشفت انو مجنون , هو أصلا عبدة شياطين satanic , يعني اشي طبيعي انو يحكي هيك
بس شو بدنا نسوي يعني ؟

عبدة شياطين كمان ..........؟!؟!؟!؟
الله يهدي بس

وابن جيرانا كمان

انا صاحبيتي من زمان بالمدرسه
كانت هيك تقريباً بس مو بقسة الدين
كانت إضلها تحكي إنو الأرض ما بتدور ولو بتدور كان درنا معاها
وكل اشي علمي ابتنتقدو
حتى لدرجة انو سرنا ما نحكي بهلمواضيع قدامها
بعدين بحصص الرياضيات والعلوم
كانت اتقرف الآنسه حياتها وهيه ابتسألها من وين إجاهل قانون
وإيش معنا أحط هل قانون بهل مسأله مو بهل مسأله
بعدين بعد ما تقنعها المس اتروح كمان مرهوتحكي ليش حطينا هاد قبل هاد
هيك بتضلها قرفتنا حياتنا يعني بتخليالواحد ايشك بحالو أمرات
فعادي هل شغله بتسيراكتيـــــــــــــــــــــــــــــــــــــــــــــــــــــر

فعلا حكي فاضي
يروحوا يطيروا كلهم

هههههههه..... شكلها كتير ذكية , بس بصراحة صاحبي أبوه طيار ومو فاضيلو , لانو مسافر أربعة وعشرين ساعة برا .... ونادرا ما يروح عالبيت , أما بالنسبة لالو فهو كان يضل قاعد بالبيت عالنت حتى صار يفهم بشغلات عبدة الشياطين والساتانك وآخر اشي صار منهم .. يعني الأهل بلعبو دور كبير في التوعية والتربية , فهو ما كان حدا يسأل عنو أو يهتم فيه من ناحية أخلاق أو تربية , فعشان هيك بدأ ياخد عادات وتقاليد الأجانب ويسويها , يعني والله لو تشوفو منظرو ليخف عقلكم على الي مسويه بحالو , بصراحة يصعب علي أشرحلكم ... أو أبلش من وين ..... من الشعر ..... من الأواعي ...من الأساور والسناسيل الي في منها ذهب ....بصراحة شكلو لا يوصف

اها وانا معك الاهل الهم دوور كبير ولازم يراقبو كمان الابناء
بس اذا الاب مو موجود في الام

زي ما بتعرفي في بعض الأمهات ما بيقدرو يفرضو سيطرتهم على أبناءهم بغياب الأب , عشان هيك هي لما تحكي معاه دايما بتصير مشكلة وبطلع برا البيت وبيناملو أسبوعين تلات برا وبعدين إذا اجا على بالو يرجع بيرجع , يعني واحد مصروفو كل يومين 30 دينار شو بدك يطلع منو

اها صح معاك حق

ولا أشيــــــــــــــــــــــــــــــــــــ
ماكنت متصوره إنو في ناس هيك
يعني برضو هوه زودها
وموكل اشي برتما على الأهل
صح انو إلهم دور اكبير
بس هل شغله وبهل وقت ما حدا راح يقدر ايصلحها إلا هوه وبإرادتو كمان

انا رغد متكاسلة ادخل فقلت خليني زائرة


بس يا عاشقة اذا كان هو ما عندوا ارادة انو يتغير فهون بيجي دور الاهل طبعا

أكيـــــــــــــــــــــــــد

بالنسبة لأمه فهي ما بتقدر تحكي معاه , أما بالنسبة لأبوه فهو دايما بيعمل طوش معاه .... والكلام بينهم بيوصل للسما قد ما بيصرخو على بعض , لدرجة انو أبوه دعسو قبل أسبوع لما كان معصب , بس آخر اشي ما في فايدة من أي اشي بينحكالو ........ , كل ما ييجي أبوه من السفر بيطلع من البيت وبيريح راسو , وفي النهاية ما رح يتغير شو ما صار

الله يعينهم عليه

طيب هو بفهم انو يلي بعملو مو حل
لأنو طول عمرو راح ايضلو هيك

هو أصلا بيعما هيك بإرادتو , يعني ما بيندم على الي سواه شو ما صار

فإذاً هوه.............
خليني ساكته أحسنلي
ياربلسا في هيك ناس
يعني ماامنقدر نحكي إلى الله يهدي وبس