كلمات وجمل يابانية متعارفة

سبق وكتبت موضوع عن بعض الكلمات اليابانية بس هالموضوع بيحتوي كلمات أكتر فائدة واستعمال ورح أترككم تقرأوهم :

hajememashte - how are you ? - هاجيميماشتي - وتعني كيف حالك

hi - yes - هاي وتعني نعم

ieh - no - إييه وتعني لا

lie - no - لاي وتعني لا

ohayoogozaimaso - good morning - أوهايوغوزايماسو وتعني صباح الخير

konnichiwa - good after noon - كونيتشيوا ويقصد بها تحية ما بعد الظهر

konbanwa - good evening - كونبانوا وتعني مساء الخير

oyasomenasai - good night - أوياسونيماساي وتعني تصبح على خير

onegaishemaso - please - أونيغايشيماسو وتعني من فضلك

youroshiku - treat me kindly - يوروشيكو وتعني عاملني بلطف

sayoonara - goodbye - سايونارا وتعني مع السلامة

itekemaso - goodbye - إتيكيماسو وتعني إلى اللقاء

tadaima - I am home - تادايما وتعني لقد وصلت أو أنا في البيت وتقال عند دخول المنزل

شكرا لمن قرأ الموضوع لاني ما نسختو ... يعني قعدت ساعة وأنا أكتب وأتذكر كلمات

aregato

بصراحه حبيتهم اكتير وشكلي راح أسير أحكي ببعضهم
بس أزا ابتعرف شو معنى شكرا وشومعنا تحياتي بكون ممنونه
وثانكس اكتير وضلك اتزكر وأكتب

معنى شكرا هو aregato أريغاتو وأنا كاتبو تحت آخر الموضوع ....... بس تحياتي ما الها معنى معين , يعني ممكن لو بدك تسلمي على واحد بإسمو تحطي بعد اسمو yo .... على كل حال رح أدورلك على معناها , وإذا بدك معنى آسف فهو gomenasai ..... ورح أحط كلمات تانية بس أنا حاليا مبتدئ وما بعرف كتير ياباني

في موضوع تاني أنا كتبتو عن كلمات يابانية وكيف نلفظها رح تلاقيه بنفس القسم (هل تعلم) ... إذا ما قرأتيه إقرأيه ورح تستفيدي منو

آه قرئت الموضوع التاني اكتير حلو
بس كأنك امبلش فينا بالقواعد
يعني خلينا بالكلمات السهله
وعادي منطرطش طرطشه يعني واحنا امنحكي بالعربي امنوخدلنا كلمه من اليابني
aregato y very
شفت كيف طرتشتلك طرتشه

هههههههه........ إذا هيك منيح

فعلا حلوة
والله يعينك

هي مو صعبة لهالدرجة لانو أنا بنتبه على كلامهم بالآنيمي يعني مو عاجق حالي كتير بس بتعلم

يسلمو يا محمد , مشكور عالمعلومات

يا زلمة من وين طلعت انتا من متى حضرتك مسجل بالمنتدى ؟ بس على كل حال عفوااااااااا

قبل شوي والله سجلت

طيب خلص ........ بس مو بكرا ألاقيك طالع

هههههههههههههههههههههههههههه


بس حلوة اللغة

أكيد حلوة على فكرة الواحد لما يزهق من لغتو بصير يدور على لغة تانية وأنا سويت نفس الاشي ..... لما زهقت من العربي رحت أتعلم انجليزي , ولما زهقت من الانجليزي رحت أتعلم فرنسي ( بس للأسف ما نفع معي اشي بهاللغة لانو كانت صعبة ومملة ) وحاليا ما بعرف اشي بالفرنسي إلا كلمات بسيطة وبعرف أقرأ ... غير هيك ما بعرف , وبعدين رحت أتعلم يوناني شوي وحبيت أتعلم ياباني بدل ما أضل أتفرج على الآنيمي وأتطلع على الترجمة وتروح اللقطات الحلوة علي بس المهم انو يكون عندك إرادة في انو تتعلمي اللغة وما تهتمي كيف أو متى بدك تتعلميها وتبلشي تستخدميها وأهم اشي انك تستخدميها بحياتك يعني مو بس وقت الحصة أو وقت الدراسة , يعني تسلي فيها شوي ... أو تفرجي على أفلام أو مسلسلات بتحبيها بنفس اللغة , أو اسمعي أغاني وهيك مع مرور الزمن رح تصيري تحكي مع ناس كتير ما بيعرفو عربي بلغاتهم الخاصة زي كأنك منهم وهاض هو السر في اني تعلمت انجليزي وصرت أعرف أحكي بطلاقة مع أي شخص , يعني الطريقة مجربة , ورح تحسي انو الشغلة صعبة بالأول بس في النهاية مع مرور الوقت رح تضحكي على حالك على قد ما اللغة سهلة

يا عيني يا عيني عليك يا حمودة يا زلمة صرلي 3 سنين بحاول أفهم انجليزي من الأغاني وما في اشي داخل مخي يعني شو بدك مني اسوي وانا على هالحال ؟ يا زلمة بلاش نتعلم لغة الفسق والطغيان خلينا عرب نحكي عربي زي ما الله خلقنا

أولا أنا محمد مو حمودة ثانيا انتا عمرك ما رح تفهم انجليزي طول ما انتا بتسمعلي لـ 50 cent والأخ الكريم massari وباقي الشلة المشطوبة لانهم بيغنو rap و pop , يعني كلامهم كتير سريع على واحد زيك مش عارف راسو من رجليه وبصراحة لو اني محلك كان ما فهمت اشي بالمرة لانو انتا ما بتعرف انجليزي ورايح تسمع أشياء زي هيك ؟ .... وثاث اشي الانجليزي مو لغة الفسق والطغيان الانجليزي لغة الدنيا .... لغة العالم كلو , من وين اجا الفسق والطغيان يا حبيبي