الماضي

بينما كنت جالس
على طرف نهر .. اتذكر حالى ووحدتى
مرت بي زوارق .. لقد كانت زوارق من ورق ..
أخذت أداعبها ..و ارشقها بالماء ..
زوارق كبيرة .. وزوارق صغيره مثلي أنا الان لانى رجعت بخاطرى وايامى احساسها لمس قلبي ..وأحسست بحزنها العميق ..

رغم كثرة الزوارق الكبيرة حولها.. لكنها شعرت بالوحدة ..
و أثقلتها قطرات الماءالأزرق .. الأزرق الذي لون أحلام طفولتي المتأخرة ..
مرت تلك الزوارق بسرعة .. وقفت وصرخت بها .. انتظرونى ..
كونوا لي اصدقاء .. شاركونى فرحة وحزن هذه الحياة .. لكنها لم تسمعني .. ومضت ..
وأنا حملت قيثارتي على ظهري .. ومضيت في الاتجاه الآخر ..
علي أجد في يوم .. أصدقاء
لايفارقون !!!!
فصديقى
صديق الطفولة:مع الأيام يهجرني0
وصديق الدراسه:بعد المصلحه ينساني0
وصديق المراهقة:ينسحب بعدما يورطنى0
وصديق العمل:أجبرته الدنيا يرافقني0



صديق الطفولة ،،،،، هل يبقى صديقا؟؟؟!!!
في الطفولة نكون صداقة مع بعض الأشخاص ويكون هناك شخص هو الأقرب ،،،
نلعب معه ونعبث معه ونحبه ،،، إنه صديق الطفولة ..
نشتاق دائماً للقائه ،،، نغضب لفراقه ،،، مع أننا
أطفــــــــــال (( لا نعي معنى الصداقة ))
في كل لقاء معه لا نعانقه ،، ولا نضيع وقتنا بسؤاله عن الصحة والأحوال
بل مباشرة نبدأ باللعب واللهو ،،، والعبث (( بلا مقدمات ))

نتمنى دائماً أن لا نتفارق
نكبر شيئاً فشيئاً وتكبر صداقتنا ونحن مازلنا (( لانعي معنى الصداقة ))
ولازلنا لا نعرف المعانقة والسؤال عن الصحة والأحوال (( فقط نشتاق لبعض ونريد أن نبقى سوياً زمناً أكبر ))
بعد أن نكبر ،،، تحكمنا الظروف في الغالب على عدم الإلتقاء كثيراً وكثيراً أخرى تقل اللقاءات إن لم تنعدم ....
نلتقي ونحن كبار ،، نتعانق ونسأل عن الصحة والأحوال (( ونعي معنى الصداقة )) ولكننا لسنا أصدقاء الطفولة .......

في الغالب صداقة الطفولة بالرغم من جمالها وبراءتها ونقائها إلا أنها لا تدوم
سؤالي للجميع :::

1-هل صديق الطفولة مازال صديقاً لك ؟؟
2-اطول صداقه عشتها كم كانت مدتها ؟؟
3-اجمل صداقة عشتها كم كانت مدتها ؟؟
4-هل تحن الى هذه الايام

1- لأ ....... كان عندي أكتر من صديق .... بس هم ما تركوني , أنا الي ترتهم لانو سافرت وجيت عالأردن

2- 5 سنوات

3- سنة وحدة

4- لأ مو كتير

مشكوووورة رغد موضوعك مميز

بصراحه موضوعك جدا جميــــــــل والله عجني على الاخر
بس بصراحه ما عندي جواب ولا لسؤال يمكن لأنو ما كان عندي صديقات بمعنى الكلمه
و انك اتلاقي وحده اتكون صديقتك شغله اكتيـــــــر صعبه
بالنسبه لإلي صعبه لأبعد الحدود
وعنجد مشكوره لطرحك هاد الموضوع

اهلا بيك محمد اجاباتك حلوة بس ليش ما بتحن لاياه الصحبة هديك ؟؟؟؟







اهلا حياتي عاشقة منورة الموضوع
اها هي فعلا صعب انو اتلاقي صديقة تمشي على نفس عقلاتك لانو هاي الايام الصحبة مصلحة مو صحبة من قلب لقلب

بس بحن لأصدقاء السعودية ...... وبصراحة بتمنى لو أرجع هناك , أما الصحاب في الأردن كلهم مصلحة وخبيثين لدرجة كبيرة وبيكون عاملك حالو أزعر وصديق وفي بس وقت الجد الله لا يورجيكي شو بسوي فيكي ...... وإذا ما كان الو مصلحة رح يقلب ضدك , عشان هيك أنا حذر من كل صحابي وبالأخص أقرب واحد مني لانو بعرف انو في أي لحظة ممكن يصير ألد أعدائي وهالشغلة صارت معي لأول مرة لما جيت عالأردن , وكان هالشخص من أعز صحابي بس اكتشفت انو بيكرهني وبيغار مني كتير وكان أول صحابي بالأردن , وآخر مرة التقيت فيه دفشني قدام سيارة مسرعة على نزلة وكنت فعلا رح أروح فيها بس الله ستر وما اندعست لانو السواق لف السيارة بسرعة وإلا كان دعسني .......... وعشان هيك لازم ما أثق بصحابي ثقة عميا لانهم ممكن يكونو أعدائي من البداية , والمصيبة الكبرى انو بعد الحادث اكتشفت انو ام الولد بتيجي عندنا عالبيت وبتقعد مع امي ولما حكيت لامي زعلت كتير وقطعت علاقتنا معهم وبعد هيك اكتشفت انو الولد بيقربلي وهو عارف من الأول هالحكي كلو , وبرجع وبحكي مرة تانية انو أنا كتير كتير كتير بحن لأيامي بالسعودية مع صحابي , وبصراحة الي بيحكي عن السعودية انها أطهر أرض وأنجس شعب فهو غلطان لانو السعودية فيها أكثر شعب تحضرا وتمسكا بالدين ( مع انهم متشددين شوي ) بس والله ما في أحسن منهم بالأخلاق والأدب , أما بالنسبة للأردن فصلاة النبي ( اللهم لا حسد ) عنجد ما بصدق شو محترمين .... يعني لما الواحد يدخل (((( عالمدرسة )))) رح يسمع كل أنواع المسبات حتى لو كان بمدرسو إسلامية , وما بدي أحكي يعني أكتر من هيك لانو هالحكي شفتو بالميقات برضو ..... ووين ما كان بالأردن , وعشان هيك مااااااااا بطيق اشي اسمو أردم من كتر ما ذقت أنواع العذاب بهالبلد

يا لهوتي شو كل هاد .......؟؟؟
كاتب ما شاء الله عليك كتاب .................


وما رح علق على الي كتبته لانو كل اسئلتي انت جاوبت عليها

بصراحة لسا ما خلص الكتاب على فكرة أنا اختصرت الموضوع قدر الإمكان عشان ما تتعبو وانتو تقرأو

انا برأيي :
روح حط ايديك و اجريك بمي باردة لانك اطلعت من الميقات و عقبال ترجع على السعودية كمان عشان تكون مرتاح ...ز

لا مستحيل أرجع ......... خلص صرت محبوس هون وما في مجال أطلع

شكرررا على الموضوع المتميز
1- في منهم ضلوا معي و منهم لا يعني يلي راحوا انا كشفتهم و تخليت عنهم
2- 7 سنوات
3- سنه واحدة
4- كتير كتير كتير بحن مابتتصوري اديش لدرجة اني بتمنى ترجع لانيها كانت الحياة براءة ما فيها خبث ولا غش ولا مصلحة بس لما كبرت وجدت الحياة غش من كل 10000 بتلاقي 2 صادقين و انا ما بثق في احد و كتير غامضة
مشكورة

العفو نهاية سراب ........